Why is it so?

Why is it so? Aisa Kyun hota hai ki jisko hum chahte hain, jisko paane ke liye kuchh bhi karne ko raazi ho jaate, jiske saath ek pal bitaana ko tarste hain, jiske saath har lamha ek suhana ehsaas ho jaata hai, jiske lie saari zindagi intezaar karna manzoor hone lagta hai, woh ek din aa ke kehta hai ki shayad hamara saath yahin tak tha, aisa kyun hota hai? Why is it so?



Aisa kyun hota hai ki hum jis ko paane ki zid pakad lete hain woh kabhi hamare saath hamesha nahin rehta, kyun humko aise mod pe chhod ke chale jaate hain jahan humein unki sabse zyaada zaroorat hoti hai aur kyun hum unki sab wafayein bhula kar unhe ek pal mein bewafa keh dete hain? Kyun hum unki saari acchhaiyan ek taraf kar ke unki woh buraaiyan count karni shuru kar dete hain jo un mein kabhi thi hi nahin. Kyun hum apne kadam bhatakne ka dosh unhe dete hain, aisa kyun hota hai? Why is it so?



Aisa kyun hota hai jise hum apna banana chahte hain woh kisi aur ka saath chahte hain, kyun hum unke sabse acchhe dost hote hue bhi unke humsafar nahin ban sakte, kyun woh hamesha sachhai jaan ne ke baad ki hum unhe dost se kuchh zyaada maante hain, kyun woh humse dooriyan bana lete hain? Kyun ek acchha dost ek acchha humsafar nahin ban sakta, kyun yeh hamesha ehsaas dilaya jaata hai ki hum hamesha dost hain aur dost rahein toh hi acchha rahega, kyun hum dosti ko pyaar ka naam dene se darte hain, kyun hum dosti ko ek aise rishtey ka naam nahin de sakte jise duniya mein sabse oopar aur pavitra maana gaya hai, aisa kyun hota hai? Why is it so?



Kya pyaar do logon ko kareeb laata hai ya un mein darar paida karta hai, kyun pyaar logon ko khushiyan dene ki jagah un mein dooriyan badha deta hai, kya aaj pyaar sirf apna matlab poora karne ka ek zariya ban ke reh gaya hai, kya pyaar par se logon ka vishwas uth gaya hai, kya aaj log matlab ke liye rishtey banate hain, aisa kyun hota hai? Why is it so?

Would request you to kindly comment and reply to my questions....